Do phróifíl a ardú

Forbair do bhranda ar an gcampas

Tá neart deiseanna ar fáil duit chun teagmháil a dhéanamh lenár mic léinn agus le céimithe cumasacha san Ionad Forbartha Gairmeacha!

An bhliain acadúil seo bhí na seirbhísí go léir á gcur ar fáil go cianda agus cé nach féidir linn na deiseanna rannpháirtíochta fostóra a chuireamar ar fáil de ghnáth a ghealladh i gcónaí, tá dianmhachnamh déanta againn ar ár gcur chuige. Tá athrú ó bhonn déanta againn ar ár bpleananna agus táimid in ann tairiscint nuálaíoch a chur ar fáil duit, arna tacú ag ár bhfoireann saineolaithe agus ag ardáin atá láidir, chun an rannpháirtíocht chuí duitse a chur ar fáil duit.

Fostóir na Seachtaine

Tá áthas orainn deiseanna nua a chur ar fáil le dul i ngleic le mic léinn.
Líon teoranta áiteanna – fostóir amháin in aghaidh na seachtaine.

Le do thoil déan teagmháil linn chun eolas a fháil faoi Fhostóir na Seachtaine. 

---

 

Ceardlann Infhostaitheachta

Le 3 bliana anuas, thacaigh fostóirí le mic léinn Ollscoil na Gaillimhe a gcuid scileanna a fhorbairt trí cheardlanna scileanna ar réimse ábhar. Tugann na ceardlanna seo aitheantas do mhic léinn a chríochnaíonn an Gradamh Infhostaitheachta. 

Eagróidh an tIonad Forbartha Gairmeacha na ceardlann scileanna agus déanfar poiblíocht orthu i measc na mac léinn. Is féidir iad seo a bheith ar an gcampas nó ar líne.

Cuirtear fáilte ar leith roimh cheardlanna scileanna ar na hábhair seo a leanas:

• Scileanna láithriúcháin
• Cumarsáid ghnó
• Scileanna réitigh fadhbanna
• Scileanna IT (e.g. Excel, PowerPoint, OneNote)
• Teacht aniar gairme
• Scileanna agallaimh
• CVanna agus iarratais
• Na meáin shóisialta a úsáid chun post a lorg
• LinkedIn a úsáid /li>
• Tú féin a bhrandáil/Do Bhranda a fhorbairt

Le do thoil déan teagmháil linn dá mba mhaith leat tacú lenár mic léinn a gcuid scileanna a fhorbairt trí cheardlann scileanna. 

---

 

Dear d’imeacht féin ar an ardán is fearr leat

D’imeacht ar líne féin á reáchtáil agat? Seol na sonraí chugainn agus mínigh an chaoi ar féidir le mic léinn a bheith páirteach. Déanfaimid fógraíocht air ar ár liosta imeachtaí

 

---

 

Gníomhaíochtaí ar an gCampas

An Margadh Fostaíochta

Tá roinnt Margaí Fostaíochta againn do mhic léinn le linn na bliana acadúla.
Is féidir le fostóirí seastán a chur in áirithe agus líonrú le mic léinn i suíomh neamhfhoirmiúil agus suaimhneach in áit lárnach ar an gcampas.
Ag Margaí Fostaíochta beidh an deis agat labhairt le lear mór mac léinn, imeachtaí a chur chun cinn nó aon fholúntas a d’fhéadfadh a bheith agat a fhógairt agus do phróifíl a ardú go mór ar an gcampas. Bheimis ag súil go dtiocfadh na himeachtaí seo in ionad cur i láthair cuideachtaí aonair.  

Siod an méid a deir cuideachtaí a bhí páirteach roimhe seo:

‘D’éirigh thar barr leis an Margadh Fostaíochta agus b’iontach an deis a bhí ann don chuideachta labhairt le mic léinn... Bhíomar thar a bheith sásta mar gur éirigh linn plé a bheith againn le breis is leathchéad mac léinn a bhí an-spreagúil’   ‘Chas mé le go leor mac léinn suimiúil, spreagúil... Bhí stíl na hócáide thar barr’. 

 

 

Ceardlann dírithe ar ghairm ar leith a reáchtáil nó a bheith páirteach i seimineár

Is iomaí seimineár agus ceardlann a bhíonn ar siúl againn i rith na bliana agus bíonn baint againn chomh maith le modúil ar Oideachas faoi Ghairmeacha ar chláir áirithe. Mar shampla,

• tá ceardlanna ginearálta agus sonracha ar fáil e.g., ceardlann CV i rith Sheachtain na hInnealtóireachta
• bréagagallaimh mar chuid den ról a bhíonn againn ar an gclár Skills for Worklife don BComm
• tugann na seimineáir léargas ar an obair in earnáil ar leith (e.g., Gairmeacha sna Meáin) agus d'fhéadfadh cur i láthair gairid a bheith i gceist faoi ghairmeacha éagsúla agus/nó painéal plé le Seisiún Ceisteanna & Freagraí. Tá suim ar leith againn alumni na hOllscoile a bheith páirteach sna seimineáir seo. Inis do scéal faoi do ghairm féin – gnáthlá oibre – an todhchaí – do thuairimí – comhairle faoi thosú amach – ceisteanna & freagraí – labhairt le mic léinn. 

Tabhair do bharúil faoi CVanna agus/nó bí i d’agallóir ag bréagagallamh

Mar chuid de na modúil ar Oideachas faoi Ghairmeacha agus ullmhú do shocrúchán oibre, d’fhéadfaí CVanna a athbhreithniú duine le duine agus/nó bréagagallaimh a reáchtáil le mic léinn agus aiseolas cuiditheach a thabhairt dóibh.

Bíonn an-suim againn i gcónaí lucht acmhainní daonna as tionscal gaolmhar a bheith páirteach mar go dtugann sé deis luachmhar foghlama do na mic léinn.

Urraíocht

D’fhéadfá feasacht ar do bhranda a mhéadú trí urraíocht a dhéanamh ar ócáid ghairme, ar acmhainn nó ar fhoilseachán. Tapaigh an deis dul i gcomhpháirtíocht leis an Ionad Forbartha Gairmeacha trí urraíocht straitéiseach.
Tá siad seo a leanas i measc na ndeiseanna urraíochta:

• Duaiseanna ag aontaí gairme agus bróisiúir agus sceideal na n-imeachtaí a phriontáil.
• Duais as tinreamh ag ócáid ghairme (gaolmhar le do thionscal féin)

Déan teagmháil linn anois chun do shuim a léiriú iontu seo thuas.

---

‌